لو انت انتهيت من دراسة القانون أو حتي لسة بتدرس وبتفكر تشتغل في المحاماة أو تنزل تتدرب مع محامي لازم تكون عارف إن المحاماة خمس حاجات: مظهر، معلومة، علاقات، جراءة، ثقة في النفس والمحامى لازم يبقى اجتماعى ومتكلم.
اقرأ كتير فى صيغ الدعاوى والعقود فى الأول وبعد كده شوية مذكرات دفاع ثم أحكام المحاكم بالتفصيل على شوية كتب عن الإدارى وكتب عن الإجراءات هتلاقى الدنيا بدأت توضح.
خش بقى بعدها على العملى، هتلاقى نفسك بتقول الكلام دا أنا قرأته فين قبل كده؟! اه كده المعلومة بدأت توضح.
اعمل لنفسك تقرير يومى عن انجازاتك فى المحكمة طيب وبعدين رتب بقى التقرير لكل قضية انت مشيت فيها ومتسيبش ورقة إلا لما تصورها نسخة ليك وكمان لازم تقرأها انت مش بوسطجى.
ولازم تقرأ عن موضوع الدعوى اللى انت شغال فيها، يعنى لو شغال فى قضية نصب تجيب كتاب عن النصب وتقرأه، علشان يبقى بتربط بين العملى والنظرى، وعلشان المعلومات تثبت وعلشان وانت شغال مفيش حاجة توقفك لأنك هتكون ملم بهذه الطريقة، يعنى كده خطوات القضية كلها معاك.
اعمل لنفسك تقرير يومى عن انجازاتك فى المحكمة طيب وبعدين رتب بقى التقرير لكل قضية انت مشيت فيها ومتسيبش ورقة إلا لما تصورها نسخة ليك وكمان لازم تقرأها انت مش بوسطجى.
ولازم تقرأ عن موضوع الدعوى اللى انت شغال فيها، يعنى لو شغال فى قضية نصب تجيب كتاب عن النصب وتقرأه، علشان يبقى بتربط بين العملى والنظرى، وعلشان المعلومات تثبت وعلشان وانت شغال مفيش حاجة توقفك لأنك هتكون ملم بهذه الطريقة، يعنى كده خطوات القضية كلها معاك.
زى الفل طيب المكتب لو الشغل بيتعاد سيبه وشوف غيره علشان تبقى ملم بكل شئ جنايات ومدني وتجاري وشرعي الأفضل انك تتدرب في أكثر من مكتب علشان توسع دائرة معارفك وعلاقاتك وتكون ملم بكل الشغل.
احضر جلسات واسمع مرافعات كتير وقيد الدفوع فى دفتر وانت جالس بتسمع المرافعات ولازم تفكك من الشغل الإدارى مش كل حاجة شغل إدارى فى حضور تحقيقات وجلسات محاكم تترافع فيها ولازم كتابة صحيفة دعوى وكتابة مذكرات، لازم تعمل القضية كاملة واطلب كده ولو رفض سيبه وشوف غيره.
احضر جلسات واسمع مرافعات كتير وقيد الدفوع فى دفتر وانت جالس بتسمع المرافعات ولازم تفكك من الشغل الإدارى مش كل حاجة شغل إدارى فى حضور تحقيقات وجلسات محاكم تترافع فيها ولازم كتابة صحيفة دعوى وكتابة مذكرات، لازم تعمل القضية كاملة واطلب كده ولو رفض سيبه وشوف غيره.
اعمل لنفسك كل يوم قضية تجريبية وليكن هنشتغل جنحة إيصال، اكتب خطواتها بإيدك وعريضة دعوى لها ومذكرة دفاع لها وهكذا وخليك عارف لو مقرأتش كتير وبحثت واستخرجت وسألت على كل صغيرة وكبيرة لو معملتش كدا هتفضل تابع لمكتب طول عمرك ومش هتتقدم، واحب اقولك انت بوسطجى مش محامى.
ومتنساش فى كل قضية انك تفكر بدماغ خصمك قبل ما تفكر لموكلك وانك تكون جاهز بالرد على جميع الادعاءات التي قد تثار لكى لا تتفاجأ وتخسر القضية لأتفه الأسباب.
طيب والعلاقات، ابدأ وسع دائرة معارفك، علشان تبقى شخصية عامة اتعرف كل يوم على ناس جديدة يعني تتعرف على اتنين أو تلاتة كل يوم أقل شئ واحد جديد يخش دايرة علاقاتك اعتبرهم عملاء للمنتج اللى بتقدمه.
بس لازم بردو تتابع القديم بالسؤال الناس هى مكسبك وثروتك وأداة من أدوات نجاحك.
سلم على الموظفين بإيدك وهزر معاهم كده وصبح عليهم علشان تكسب محبة الناس وخليك خفيف الظل بس بحدود يعنى تخلى حاجز زجاجى فى علاقتك معاهم بردو.
بس لازم بردو تتابع القديم بالسؤال الناس هى مكسبك وثروتك وأداة من أدوات نجاحك.
سلم على الموظفين بإيدك وهزر معاهم كده وصبح عليهم علشان تكسب محبة الناس وخليك خفيف الظل بس بحدود يعنى تخلى حاجز زجاجى فى علاقتك معاهم بردو.
المحامي باحث فى المقام الأول، ازاى الكلام ده؟
يعنى زى الطلبة اللى بتعمل بحث وبتقدمه فى الجامعة يعنى مطلوب منك تعمل بحث وتقدمه مش للدكتور فى الجامعة لا للدكتور اللى فى المحكمة يعنى القاضي، والبحث هنا هو اللى اسمه مذكرة الدفاع أو صحيفة الدعوى وما إلى ذلك.
المحاماة بحر واسع والقوانين بتتغير كل يوم فى جديد يعني لازم تقرأ كتير ولو مش بتحب تقرأ كتير يبقى شوف حاجة تانية اشتغل فيها وآخر حاجة اقرأ ثم اقرأ اجعل كل يوم ساعة محددة للقراءة فى مجالك، المحامي الشاطر هو الأكثر قراءة اصبر عليها اى حاجة فى أولها صعب.
اتعب سنة او سنتين وأكتر هتحصد ثمرة التعب ده باقى السنين وكل ما تتدرب وتقرأ اكتر هتكتسب خبرة أكتر وحب الشئ يهون عليك أي تعب.
يعنى زى الطلبة اللى بتعمل بحث وبتقدمه فى الجامعة يعنى مطلوب منك تعمل بحث وتقدمه مش للدكتور فى الجامعة لا للدكتور اللى فى المحكمة يعنى القاضي، والبحث هنا هو اللى اسمه مذكرة الدفاع أو صحيفة الدعوى وما إلى ذلك.
المحاماة بحر واسع والقوانين بتتغير كل يوم فى جديد يعني لازم تقرأ كتير ولو مش بتحب تقرأ كتير يبقى شوف حاجة تانية اشتغل فيها وآخر حاجة اقرأ ثم اقرأ اجعل كل يوم ساعة محددة للقراءة فى مجالك، المحامي الشاطر هو الأكثر قراءة اصبر عليها اى حاجة فى أولها صعب.
اتعب سنة او سنتين وأكتر هتحصد ثمرة التعب ده باقى السنين وكل ما تتدرب وتقرأ اكتر هتكتسب خبرة أكتر وحب الشئ يهون عليك أي تعب.