بقلم الدكتور: محمد الشهير
8 نصائح عند كتابة المذكرات الجنائية.
1. المذكرة اللي بتقدمها في جنحة أو جناية، مش محتاجة بحث علمي طويل فحاول تخلي مذكرتك بسيطة ومركزة.
2. بلاش تعتمد كتير على الآراء الفقهية المخالفة لأحكام النقض المتواترة، لأن غالباً القاضي بيميل لأحكام النقض.
3. اعرض النص القانوني اللي بيحكم الواقعة، وبعدين اكتب أحكام النقض، وأخيراً اكتب التطبيق القانوني على الواقعة ودي أهم حاجة بيدورعليها القاضي.
4. خدها قاعدة المذكرة اللي بتتكتب ليلة الجلسة، بتكون سيئة المحتوى.
5. دفوعك الشكلية لازم تنكتب قبل الدفوع الموضوعية، ولازم تنقي دفوعك، بمعنى انك متكترش من الدفوع وركز على الدفوع المهمة على قد ما تقدر.
6. حاول دايماً تسند دفوعك بمستندات أو أحكام نقض كلما أمكن.
7. اكتب لمذكرتك افتتاحية (ملخص وقائع + عناوين الدفوع)، واكتب لها خاتمة توجز فيها سبب طلب البراءة أو طلب الرأفة.
8. مش عيب انك تنقل في الأول من موسوعة مذكرات.
في النهاية خليك عارف أن المحامي زي صانع الذهب ولازم يقدم للقاضي جوهرة مصنوعة بحرفنة.